Surendranagar PGVCL Team Attack | સુરેન્દ્રનગર (Surendranagar) જિલ્લામાં બાકી વીજ બિલની વસૂલાત (Recovery) માટે ગયેલી પીજીવીસીએલ (PGVCL)ની ટીમ પર હિંસક હુમલો થતા ચકચાર મચી ગઈ છે. વઢવાણ તાલુકાના કટુડા ગામે એક ગ્રાહકે સરકારી કર્મચારીઓને જાનથી મારી નાખવાની ધમકી આપી ફરજમાં રુકાવટ (Obstruction of Duty) કરી હતી.
કટુડા ગામમાં રહેતા દશરથસિંહ ઝાલાના નામે રૂ. 17,099નું વીજ બિલ બાકી હતું. આ બાકી રકમની વસૂલાત માટે પીજીવીસીએલ (PGVCL)ના જુનિયર એન્જિનિયર (Junior Engineer) અને લાઈનમેન સહિતની ટીમ તેમના ઘરે પહોંચી હતી.
બિલની માંગણી કરતા જ દશરથસિંહ ઉશ્કેરાઈ ગયા હતા અને કર્મચારીઓ પાસેથી સ્લિપ બુક (Slip Book) છીનવી લીધી હતી. તેમણે કર્મચારીઓને અપશબ્દો કહી ધમકી આપી હતી કે, “અહીં ફરી આવશો તો હાથ-પગ ભાંગી નાખીશ.” આટલું જ નહીં, હુમલાખોરે સરકારી વાહનમાં પણ તોડફોડ કરી નુકસાન પહોંચાડ્યું હતું.
પીજીવીસીએલ (PGVCL)ના કર્મચારીઓએ આ મામલે સરકારી ફરજમાં રુકાવટ અને હુમલા અંગે જોરાવરનગર પોલીસ સ્ટેશન (Joravarnagar Police Station)માં ફરિયાદ (Complaint) નોંધાવી છે. પોલીસે આરોપી વિરુદ્ધ ગુનો નોંધી વધુ તપાસ હાથ ધરી છે.
