Limbdi Gambling Raid | લીંબડીના બોરાણા ગામે તળાવની બાજુમાં વડોદ ગામે જવાના માર્ગે જાહેરમાં અમુક શખ્સો ગંજીપાના વડે તીન પતીનો જુગાર રમી રહ્યા છે. તેવી બાતમીના આધારે લીંબડી પોલીસે બાતમી વાળી જગ્યાએ દરોડો પાડયો હતો.
દરોડા દરમિયાન જુગાર રમતાં (૧) જગો વસવેલીયા (૨) મોહન બળોલીયાને ઝડપી પાડયા હતાં અને તેમની પાસેથી રોકડ રકમ રૂપિયા ૫,૦૨૦નો મુદામાલ કબજે કર્યો હતો.
જ્યારે રેડ દરમ્યાન (૧) બિજલ ઝાપડીયા (૨) લાભુ વસવેલીયા (૩) સામજી ચિહલા (૪) મનોજ વસવેલીયા (૫) હિતેશ વસવેલીયા (૬) મનિષ વસવેલીયા (૭) દિલીપ બાભણીયા (૮) દિનેશ બાટીયા (૯) કરશન ચિહલા નાસી છુટયા હતાં. પોલીસે તમામ શખ્સો વિરૂદ્ધ લીંબડી પોલીસ સ્ટેશનમાં ગુનો નોંધીને વધુ તપાસ હાથ ધરી હતી.
