Gambling Raid | સુરેન્દ્રનગરના જોરાવરનગર વિસ્તારમાં આવેલા સુભાષ રોડ પર ચીકા ભગતની જગ્યા નજીક જાહેરમાં ચાલતા જુગારધામ પર સ્થાનિક ગુના શોધક શાખા (LCB) ની ટીમે દરોડો પાડ્યો હતો.
પેટ્રોલિંગ દરમિયાન મળેલી માહિતીના આધારે હાથ ધરાયેલી આ કાર્યવાહીમાં સુરેન્દ્રનગર મહાનગરપાલિકાના કરાર આધારિત કર્મચારી સહિત કુલ 9 શખ્સો જાહેરમાં જુગાર રમતા રંગેહાથ ઝડપાઈ ગયા હતા.
પોલીસે ઘટનાસ્થળેથી (1) વિજય કલોતરા, (2) રામદેવસિંહ ગોહિલ, (3) રાહુલ પાનેસરા, (4) અકરમ મમાણી, (5) કોડીદાસ વાઘેલા, (6) આશિષ ઉધરેજીયા, (7) ફિરોજ કારવા, (8) મયુરસિંહ ઝાલા (9) હરેશ સુમળની ધરપકડ કરી છે.
પોલીસે તમામ આરોપીઓ સામે જુગારધારા હેઠળ ગુનો નોંધી રૂ. 85,800 નો મુદ્દામાલ જપ્ત કર્યો છે. સ્થાનિક પોલીસની નિષ્ક્રિયતા વચ્ચે LCB ના આ દરોડાથી જુગારીઓમાં નાસભાગ મચી ગઈ છે.
