Gambling Raid | મુળી પોલીસ (Muli Police) ટીમ દ્વારા ગ્રામ્ય વિસ્તારમાં હાથ ધરાયેલા પેટ્રોલીંગ દરમિયાન મળેલી ચોક્કસ બાતમીના આધારે ખાટડી ગામની સીમમાં વાડીના શેઢે દરોડો પાડવામાં આવ્યો હતો.
આ કાર્યવાહી દરમિયાન જાહેરમાં જુગાર રમતા ખાટડી ગામના જ 5 શખ્સો જયંતિભાઈ ઉર્ફે સુરેશભાઈ પીપળીયા, પ્રવિણભાઈ દેત્રોજા, પ્રદિપભાઈ ચૌહાણ, ચમનભાઈ સોડમીયા અને વાસુદેવભાઈ ઘુસડીયાને રંગેહાથ ઝડપી લેવામાં આવ્યા હતા.
પોલીસે ઘટનાસ્થળેથી રોકડ રૂ. 55,600, રૂ. 50,000ની કિંમતના 6 મોબાઈલ ફોન અને રૂ. 1.10 લાખની કિંમતના 5 બાઈક મળી કુલ રૂ. 2.15 લાખનો મુદ્દામાલ કબજે કર્યો છે.
પોલીસે તમામ આરોપીઓ વિરુદ્ધ જુગારધારા હેઠળ ગુનો નોંધી આગળની કાનૂની કાર્યવાહી હાથ ધરી છે.
