ચોટીલાના દેવસર (Devsar) ગામે જૂની અદાવતમાં એક યુવક પર જીવલેણ હુમલો (Attack) થયો હોવાનું સામે આવ્યું છે. અગાઉ એક સમૂહ લગ્ન (Mass Marriage) માં થયેલી માથાકૂટનો ખાર રાખીને શૈલેષભાઈ છનાભાઈ વાઘેલા નામના યુવકને નિશાન બનાવવામાં આવ્યો હતો.
ભોગ બનનાર યુવક જ્યારે પોતાનું ટ્રેક્ટર (Tractor) લઈને ઘરે જઈ રહ્યો હતો, ત્યારે રાજાવડ ગામના ચાર શખ્સોએ તેને અટકાવી બોલાચાલી કરી હતી.
જોકે, તે સમયે શૈલેષભાઈ ત્યાંથી નીકળી ગયા હતા, પરંતુ બાદમાં ગામની એક દુકાન પાસે આ શખ્સોએ ફરી તેમને ઘેરી લીધા હતા. “તે દિવસે તો સમૂહ લગ્નમાં ભીડ હતી એટલે બચી ગયો, પણ આજે તને જીવતો નથી છોડવો” તેમ કહી આરોપીઓએ કુંડલીવાળી લાકડી (Stick) અને પાઇપ વડે હુમલો કર્યો હતો.
આ હુમલામાં યુવકને હાથે ફેક્ચર (Fracture) જેવી ગંભીર ઇજાઓ થતા તેને તાત્કાલિક હોસ્પિટલ (Hospital) ખસેડવામાં આવ્યો છે. ચોટીલા પોલીસે (Police) ચારેય આરોપીઓ વિરુદ્ધ ગુનો નોંધી વધુ તપાસ (Investigation) હાથ ધરી છે.
