સુરેન્દ્રનગર જિલ્લાના ધ્રાંગધ્રા હાઈવે (Highway) પર આવેલી કુડા ચોકડી પાસે ગમખ્વાર અકસ્માત (Accident) સર્જાયો હતો. બેફામ દોડતા એક મીઠું ભરેલા ડમ્પર (Dumper) ના ચાલકે બાઈકને જોરદાર ટક્કર મારતા નરાળી ગામની એક મહિલાને ગંભીર ઈજાઓ (Serious Injuries) પહોંચી છે. ધ્રાંગધ્રા પંથકમાં ડમ્પરોનો ત્રાસ દિન-પ્રતિદિન વધી રહ્યો છે.
મળતી માહિતી મુજબ, નરાળી ગામનું દંપતી (Couple) બાઈક પર ધ્રાંગધ્રા તરફ જઈ રહ્યું હતું. તે દરમિયાન કુડા ચોકડી પાસે પાછળથી આવતા ડમ્પરના ચાલકે બાઈકને અડફેટે લેતા અકસ્માત સર્જાયો હતો. આ અકસ્માતમાં બાઈક સવાર લીલાબેન ભોપાભાઈ પાટડિયાના પગ પર ટ્રકનું ટાયર (Tyre) ફરી વળતા તેઓ લોહીલુહાણ હાલતમાં મુકાયા હતા.
સ્થાનિક લોકો તત્કાલ મદદે દોડી આવ્યા હતા અને ઇજાગ્રસ્ત મહિલાને સારવાર (Treatment) માટે ધ્રાંગધ્રા સરકારી હોસ્પિટલ (Government Hospital) ખસેડવામાં આવ્યા હતા. હાલતમાં ગંભીરતા જોતા તેઓને વધુ સારવાર માટે અન્ય હોસ્પિટલમાં રિફર (Refer) કરવામાં આવ્યા છે. પોલીસે (Police) ઘટનાસ્થળે પહોંચી ટ્રક ચાલક સામે કાયદેસરની કાર્યવાહી (Legal Action) હાથ ધરી છે.
