વઢવાણ પોલીસની ટીમ જ્યારે વિસ્તારમાં પેટ્રોલિંગ કરી રહી હતી, ત્યારે શિયાણીપોળ પાસે એક શખસ શંકાસ્પદ હાલતમાં મળી આવ્યો હતો. પોલીસને જોઈને ગભરાઈ ગયેલા આ શખસની અટકાયત કરી જ્યારે તેની અંગઝડતી લેવામાં આવી, ત્યારે તેના પેન્ટના નેફામાંથી લાકડાના હાથાવાળી એક તીક્ષ્ણ છરી મળી આવી હતી.
આ શખસની પૂછપરછ કરતા વઢવાણ શિયાણીપોળ બહાર વચલુ કોળીપરામાં રહેતા રહેતા અને મજુરી કરતાનવઘણભાઈ સજાભાઈ વણોદીયા હોવાનું જણાવ્યુ હતું. શખસને છરી સાથે ઝડપી વઢવાણ પોલીસ મથક્માં હથિયારબંધી જાહેરનામાનો ભંગ કરી ગુનો કર્યાની ફરિયાદ નોંધી હતી.
વઢવાણ પોલીસે આ શખસ વિરુદ્ધ હથિયારબંધીના જાહેરનામાનો ભંગ કરવા બદલ ગુનો નોંધી કાયદેસરની કાર્યવાહી હાથ ધરી છે. આ કામગીરીમાં હેડ કોન્સ્ટેબલ ડી.આર. પરમાર અને દીપકકુમાર ડુમાણીયા સહિતના પોલીસ સ્ટાફે કામગીરી કરી હતી.
