સુરેન્દ્રનગર (Surendranagar) SOG (Special Operations Group) પોલીસ દ્વારા સોશિયલ મીડિયા (Social Media) પર હથિયારનું પ્રદર્શન કરી ભયનું વાતાવરણ ઊભું કરનારા તત્વો સામે લાલ આંખ કરવામાં આવી છે. SOG સ્ટાફને પેટ્રોલિંગ દરમિયાન બાતમી મળી હતી કે એક શખ્સે હથિયાર (Weapon) સાથેનો ફોટો ફેસબુક કે ઇન્સ્ટાગ્રામ જેવા પ્લેટફોર્મ પર અપલોડ કર્યો છે. આ બાતમીના આધારે પોલીસે ટેકનિકલ સર્વેલન્સની મદદથી તપાસ હાથ ધરી આરોપીને ઝડપી પાડ્યો છે.
પોલીસ પૂછપરછમાં પકડાયેલા શખ્સની ઓળખ વશરામભાઈ જોગાભાઈ મોરી (રહે. થોરિયાળી, તા. સાયલા) તરીકે થઈ છે. આરોપીએ કબૂલાત કરી હતી કે તેણે અંદાજે 05 (Five) વર્ષ પહેલા આ હથિયાર સાથે ફોટો પડાવ્યો હતો અને તાજેતરમાં તેને સોશિયલ મીડિયામાં અપલોડ (Upload) કર્યો હતો. વધુ તપાસમાં બહાર આવ્યું કે ફોટોમાં દેખાતું હથિયાર રણછોડભાઈ મોતીભાઈ (રહે. સુખસર, તા. ચોટીલા) નું હતું.
SOG પોલીસે આ મામલે કડક વલણ અપનાવીને બંને શખ્સો વિરુદ્ધ ચોટીલા (Chotila) પોલીસ મથકે હથિયાર ધારા (Arms Act) હેઠળ ગુનો (Crime) નોંધી કાયદેસરની કાર્યવાહી હાથ ધરી છે. પોલીસની આ કાર્યવાહીથી સોશિયલ મીડિયા પર હથિયારોના પ્રદર્શન દ્વારા રુઆબ છાંટતા તત્વોમાં ફફડાટ વ્યાપી ગયો છે. ઉલ્લેખનીય છે કે, જૂના ફોટા પણ ડિજિટલ પ્લેટફોર્મ પર અપલોડ કરવા તે કાયદાકીય મુશ્કેલી નોંતરી શકે છે.
