સુરેન્દ્રનગર લોકલ ક્રાઈમ બ્રાન્ચ (LCB) ને મોટી સફળતા મળી છે. માલવણ-પાટડી હાઇવે પર ફાટક પાસે આવેલી એક બંધ હોટલ નજીકથી પોલીસે વિદેશી દારૂ ભરેલી આઈસર ટ્રક ઝડપી પાડી છે. આ કાર્યવાહી દરમિયાન પોલીસે કુલ 7188 નંગ વિદેશી દારૂની બોટલો અને 96 નંગ બીયર ટીન જપ્ત કર્યા છે. દારૂનો આ જથ્થો આઈસર ટ્રકમાં લીલા ઘાસની આડમાં અત્યંત ચાલાકીપૂર્વક છુપાવવામાં આવ્યો હતો.
તપાસમાં જાણવા મળ્યું છે કે, આઈસર ટ્રક (નંબર RJ-04-GC-7986) પર ખોટી નંબર પ્લેટ (GJ-27-TD-2256) લગાવીને દારૂની હેરાફેરી કરવામાં આવી રહી હતી. પોલીસે ઘટનાસ્થળેથી રાજસ્થાનના બાડમેર જિલ્લાના રહેવાસી ચાલક પોકરારામ કાનારામ જાટની ધરપકડ કરી છે.
આ જથ્થો રાજસ્થાનથી મોરબી ખાતે સપ્લાય કરવાનો હતો. જપ્ત કરાયેલા દારૂની કિંમત 28.73 લાખ રૂપિયા અને આઈસર ટ્રકની કિંમત 10 લાખ રૂપિયા મળી કુલ 38.78 લાખ રૂપિયાનો મુદ્દામાલ કબજે લેવાયો છે.
આ ગુનામાં સંડોવાયેલા અન્ય આરોપીઓ જેવા કે દેવારામ જાટ, મોરબીમાં જથ્થો મંગાવનાર શખ્સ અને ટ્રક માલિક વિરુદ્ધ બજાણા પોલીસ સ્ટેશનમાં ગુનો નોંધી વધુ તપાસ હાથ ધરવામાં આવી છે. સુરેન્દ્રનગર એલસીબી પીઆઈ જે.જે. જાડેજા અને તેમની ટીમે બાતમીના આધારે આ સફળ ઓપરેશન પાર પાડ્યું હતું. હાલમાં ફરાર આરોપીઓને પકડવા માટે અલગ-અલગ ટીમો કામે લગાડવામાં આવી છે.
ભારત હવામાન વિજ્ઞાન વિભાગ (IMD) દ્વારા જાહેર કરાયેલા તાજેતરના અહેવાલ અનુસાર, સુરેન્દ્રનગર જિલ્લામાં ગરમીનો પારો…
સુરેન્દ્રનગર શહેરની ભોગાવો નદીમાં રતનપર પાસે ગૌવંશના અવશેષો મળી આવતા સમગ્ર પંથકમાં ભારેલા અગ્નિ જેવી…
સુરેન્દ્રનગર લોકલ ક્રાઈમ બ્રાન્ચ (LCB) ની ટીમે ધ્રાંગધ્રા-અમદાવાદ નેશનલ હાઈવે પર સફળતાપૂર્વક દરોડો પાડીને વિદેશી…
સુરેન્દ્રનગર જિલ્લામાં દારૂબંધીના કડક અમલ વચ્ચે જોરાવરનગર પોલીસે દેશી દારૂની હેરાફેરીનું મોટું નેટવર્ક ઝડપી પાડ્યું…
સુરેન્દ્રનગર મહાનગરપાલિકા હેઠળ આવતા વઢવાણ, જોરાવરનગર અને કૃષ્ણનગરના સ્મશાન ગૃહોમાં ફરજ બજાવતા 16 જેટલા કર્મચારીઓ…
સુરેન્દ્રનગર શહેરના હાઉસિંગ બોર્ડ સોસાયટી વિસ્તારમાં ઈલેક્ટ્રિક TC (ટ્રાન્સફોર્મર) માં આગ લાગવાની ઘટના સામે આવી…