સુરેન્દ્રનગર જિલ્લામાં હિટવેવને પગલે જનસેવા કેન્દ્રોના સમયમાં ફેરફાર: જાણો નવું ટાઈમ ટેબલ

સુરેન્દ્રનગર (Surendranagar) જિલ્લામાં કાળઝાળ ગરમી અને હિટવેવ (Heatwave)ની સ્થિતિને ધ્યાનમાં રાખીને વહીવટી તંત્ર દ્વારા મહત્વનો નિર્ણય લેવામાં આવ્યો છે.

હવામાન વિભાગ (Weather Department) દ્વારા યલો એલર્ટ  (Yellow Alert) અને ઓરેન્જ એલર્ટ (Orange Alert) જાહેર કરાતા, જિલ્લા કલેક્ટર કચેરી (Collector Office) દ્વારા જનસેવા કેન્દ્રો (Jan Seva Kendra) અને આધાર કાર્ડ કેન્દ્રો (Aadhar Centers)ના કાર્યકાળના સમયમાં ફેરફાર કરવામાં આવ્યો છે.

જિલ્લામાં તાપમાનનો પારો 42 ડિગ્રી (Degrees) આસપાસ પહોંચી ગયો હોવાથી, નાગરિકોને લૂથી બચાવવા માટે આજથી 31 મે 2026 સુધી નવો સમય અમલી રહેશે. જે મુજબ:

• સવારનો સમય: 9-00 થી બપોરે 1-00 વાગ્યા સુધી.
• બપોરનો વિરામ: 1-00 થી 4-00 વાગ્યા સુધી કામગીરી બંધ રહેશે.
• સાંજનો સમય: બપોરે 4-00 થી સાંજના 6-00 વાગ્યા સુધી.

આ ફેરફાર જિલ્લાની તમામ કલેક્ટર કચેરી, તાલુકાના જનસેવા કેન્દ્રો, ઇ-ધરા કેન્દ્રો (E-Dhara Centers) તેમજ બેંક (Bank) અને પોસ્ટ ઓફિસ (Post Office)માં કાર્યરત આધાર કેન્દ્રોને લાગુ પડશે. નિવાસી અધિક કલેક્ટરે તમામ અધિકારીઓ અને જાહેર જનતાને આ ફેરફારની નોંધ લેવા જણાવ્યું છે.