Surendranagar News | આમ આદમી પાર્ટી (AAP) માંથી રાજીનામું આપ્યા બાદ રાજુ કરપડા અને પક્ષના નેતાઓ વચ્ચેનો વિવાદ હવે પોલીસ સ્ટેશન (Police Station) સુધી પહોંચ્યો છે. રાજુ કરપડાએ તેમને બદનામ કરવા માટે ટેકનોલોજીનો દુરુપયોગ થયો હોવાનો આક્ષેપ કરી સુરેન્દ્રનગર સાયબર ક્રાઈમ (Cyber Crime)માં ફરિયાદ નોંધાવી છે. આ ઘટનાને પગલે ગુજરાતના રાજકારણમાં ગરમાવો આવ્યો છે.
AI ના ઉપયોગથી અવાજ બનાવ્યાનો આક્ષેપ તાજેતરમાં ‘આપ’ દ્વારા એક પત્રકાર પરિષદમાં (Press Conference) રાજુ કરપડાની એક કથિત ઓડિયો ક્લિપ (Audio Clip) જાહેર કરવામાં આવી હતી. આ ક્લિપમાં તેઓ ભાજપમાં જોડાવાની વાતો કરતા હોવાનું સંભળાતું હતું. જોકે, રાજુ કરપડાએ દાવો કર્યો છે કે આર્ટિફિશિયલ ઇન્ટેલિજન્સ (Artificial Intelligence – AI) નો ઉપયોગ કરીને તેમના જેવો જ નકલી અવાજ ઊભો કરવામાં આવ્યો છે.
ત્રણ નેતાઓ સામે ગુનો દાખલ રાજુ કરપડાએ જણાવ્યું કે ખેડૂતોની નજરમાં તેમની છબી ખરાબ કરવા માટે આ કાવતરું (Conspiracy) ઘડાયું છે. સાયબર પોલીસે આ મામલે કરણ બારોટ, વિપુલ ઠાકોર અને સ્વયમભાઈ સાલવી સામે ગુનો નોંધી તપાસ શરૂ કરી છે. વાયરલ ક્લિપની સત્યતા તપાસવા માટે તેને ગાંધીનગર ફોરેન્સિક લેબોરેટરી (FSL) માં મોકલવામાં આવશે.
