Naresh Kela UN Public Service Forum 2026
UN Public Forum | જ્યોર્જિયાના (Georgia) તબિલિસી ખાતે સંયુક્ત રાષ્ટ્ર (UN DESA) અને જ્યોર્જિયા સરકાર દ્વારા પ્રતિષ્ઠિત ‘યુનાઇટેડ નેશન્સ પબ્લિક સર્વિસ ફોરમ 2026’ (United Nations Public Service Forum 2026) નું આયોજન કરવામાં આવ્યું હતું.
આ આંતરરાષ્ટ્રીય મંચ પર સુરેન્દ્રનગરના જાણીતા ચાર્ટર્ડ એકાઉન્ટન્ટ (Chartered Accountant) અને ઉદ્યોગપતિ (Industrialist) નરેશભાઈ ધનરાજભાઈ કેલાએ વિશેષ ઉપસ્થિતિ નોંધાવી હતી.
જ્યોર્જિયાના પ્રધાનમંત્રી ઇરાકલી કોબાખીઝે (Irakli Kobakhidze) ની અધ્યક્ષતામાં યોજાયેલા ઉદ્ઘાટન સમારોહમાં UNના અંડર સેક્રેટરી જનરલ (Under-Secretary-General) Junhua અને જ્યોર્જિયાના ન્યાય મંત્રી Rati Bregarze સહિત વિશ્વભરના 100થી વધુ દેશોના પ્રતિનિધિઓ (Delegates) ઉપસ્થિત રહ્યા હતા.
‘ટ્રાન્સફોર્મિંગ પબ્લિક ઇન્સ્ટિટ્યુશન્સ’ (Transforming Public Institutions) ની થીમ પર આધારિત આ ફોરમમાં આર્ટિફિશિયલ ઇન્ટેલિજન્સ (Artificial Intelligence – AI) અને ડિજિટલ ટેકનોલોજી (Digital Technology) દ્વારા સરકારી સેવાઓને વધુ પારદર્શક બનાવવા અંગે ચર્ચા થઈ હતી.
આ વૈશ્વિક મંચ પર નરેશભાઈ કેલાએ ભારત સરકારના JAM (Jan Dhan, Aadhaar, Mobile) ટ્રિનિટી અને UPI આધારિત ડિજિટલ ઇન્ફ્રાસ્ટ્રક્ચરની (Digital Infrastructure) સફળતા વિશે વાત કરી હતી. તેમણે ભારતના ‘લાસ્ટ-માઇલ ડિલિવરી’ (Last-Mile Delivery) ના મોડેલને વિશ્વ સમક્ષ રજૂ કર્યું હતું.
આ કાર્યક્રમ દરમિયાન નરેશભાઈ કેલાએ પોતે લખેલું પુસ્તક ‘India – A Nation Rising’ વૈશ્વિક નેતાઓને અર્પણ કર્યું હતું. પ્રધાનમંત્રી નરેન્દ્ર મોદીના નેતૃત્વમાં ભારતના જાહેર સેવા ક્ષેત્રે આવેલા ક્રાંતિકારી ફેરફારો દર્શાવતા આ પુસ્તકને આંતરરાષ્ટ્રીય પ્રતિનિધિઓ તરફથી ઉત્સાહજનક પ્રતિસાદ મળ્યો હતો. નરેશભાઈએ આ અનુભવને ભારતની પ્રગતિની ગાથા વૈશ્વિક સ્તરે પહોંચાડવા માટેનો એક અત્યંત ગૌરવશાળી અવસર ગણાવ્યો હતો.
