MSP registration Gujarat | ગુજરાતમાં ખરીફ સિઝન ૨૦૨૬-૨૭ દરમિયાન મગફળી, મગ, અડદ અને સોયાબીનની ટેકાના ભાવે ખરીદી માટે રાજ્ય સરકાર દ્વારા નોંધણી પ્રક્રિયા શરૂ કરવામાં આવશે. ખેડૂતો ૧૦ સપ્ટેમ્બરથી ૯ ઓક્ટોબર સુધી ઈ-ગ્રામ કેન્દ્રો પર વિના મૂલ્યે નોંધણી કરાવી શકશે.
ચાલુ વર્ષે રાજય સરકાર દ્વારા ૨૦૨૬-૨૭ પ્રાઈઝ સપોર્ટ સ્કીમ હેઠળ મગફળી, મગ, અડદ અને સોયાબીન પાક માટે ટેકાના ભાવ જાહેર કરાયા છે. ત્યારે ટેકાના ભાવે આ ખેત પેદાશો વેચવા ઈચ્છતા ખેડૂતો માટે ઓનલાઈન રજીસ્ટ્રેશનનો તંત્ર દ્વારા પ્રારંભ કરાયો છે.
૧૦ મી સપ્ટેમ્બરથી શરૃ કરાયેલ અને ૯ મી ઓકટોમ્બર સુધી ચાલનાર આ રજીસ્ટ્રેશનને લઈ જિલ્લાના ખેડૂતોને સમયસર જરૃરી આધાર રેકર્ડ પુરાવા સાથે ઓનલાઈન રજીસ્ટ્રેશન કરાવી લેવા જિલ્લા ખેતીવાડી વિભાગ દ્વારા અપીલ કરાઈ હતી.
વર્ષ ૨૦૨૬-૨૭ માં પ્રાઈઝ સપોર્ટ સ્કીમ હેઠળ સરકાર દ્વારા મગફળીના રૃ.૭૫૧૭, મગના રૂ.૮૭૮૦, અડદના રૂ.૮૨૦૦ અને સોયાબીનના રૂ.૫૭૮૦ના પ્રતિ કવીન્ટલ ટેકાના ભાવ જાહેર કરાયા છે.
ટેકાના ભાવે આ ખેત પેદાશો વેચવા ઈચ્છતાં ખેડૂતો માટે તા.૧૦/૯/૨૬ થી તા.૯/૧૦/૨૦૨૬ સુધી તંત્ર દ્વારા ઓન લાઈન રજીસ્ટ્રેશન શરૂ કરાયું છે. ત્યારે જિલ્લામાં ઓનલાઈન નોંધણી માટે ફાર્મર રજીસ્ટ્રેશન કરાવેલ ખેડૂતોએ ફાર્મર આઈડી ધરાવતા ખેડૂતોના આધાર ઓથેન્ટિટેકશન દ્વારા ઈ-ગ્રામ કેન્દ્રો પર વીસીઈ કે વીએલઈ મારફતે વિના મુલ્યે નોંધણી કરવા ખેતીવાડી વિભાગ દ્વારા અનુરોધ કરાયો હતો.
જિલ્લા ખેતીવાડી અધિકારી પી.બી.પરમાર ના દ્વારા ખેડૂતોને ૭-૧૨, ૮-અ, પાક વાવેતર માટે નો તલાટીનો દાખલો, આધાર કાર્ડ, બેંક ખાતાની વિગત અને મોબાઈલ નંબરની વિગતો સાથે ઓનલાઈન રજીસ્ટ્રેશન કરાવવા અને જરૂર જણાયે ગ્રામ સેવક, તાલુકા અમલીકરણ અધિકારી એ ખેતીવાડી શાખાનો સં૫ર્ક કરવા જણાવાયું હતું.
