મુખ્ય 3 માંગણી સાથે સુરેન્દ્રનગરના મુળી ખાતે ખેડૂતોએ તંત્રને કરી રજૂઆત..

મુખ્ય 3 માંગણી સાથે સુરેન્દ્રનગરના મુળી ખાતે ખેડૂતોએ તંત્રને કરી રજૂઆત..

તંત્ર મારફતે રાજ્યપાલને આવેદનપત્ર પાઠવવામાં આવ્યું..

કડદા પ્રથા બંધ કરવા તેમજ ટેકાના ભાવે મગફળી ખરીદી અંગેની સ્પષ્ટતા કરવા અને 85 જેટલા ખેડૂતો ઉપર ગુનો દાખલ કરવામાં આવ્યો છે તે કેસો પરત લેવાની માંગ સાથે કરાઈ રજૂઆત..

સુરેન્દ્રનગર જિલ્લાના મૂળી તાલુકામાં કડદા મુદ્દે ખેડૂતોનો રોષ ફાટી નીકળ્યો હતો. બોટાદ જિલ્લાના હડદડ ગામમાં ખેડૂતો પર થયેલા દમન અને અન્યાય સામે કિસાન એકતા મંચ ગુજરાતના નેજા હેઠળ મોટી સંખ્યામાં ખેડૂતો ઉપસ્થિત રહી મૂળી મામલતદાર કચેરી ખાતે ઉગ્ર રજૂઆત કરી હતી.

ખેડૂતોના આગેવાનોએ મામલતદારને આવેદનપત્ર પાઠવી અનેક માંગણીઓ રજૂ કરી હતી.

આવેદનપત્રમાં જણાવ્યા પ્રમાણે કપાસના પાકની ખરીદી વખતે વેપારીઓ દ્વારા ખેડૂતોને મળતા ભાવમાં થતો કડદા તાત્કાલિક રીતે બંધ કરાવવો, તેમજ સરકાર દ્વારા ટેકાના ભાવે મગફળીની ખરીદી માટે નક્કી કરાયેલી 70 મણની લિમિટ વધારીને ઓછામાં ઓછું 250 મણ કરવામાં આવે તેવી મુખ્ય માંગણી રાખવામાં આવી હતી.

તે ઉપરાંત બોટાદના કડદા ગામમાં 85 ખેડૂતો સામે ખોટા કેસો દાખલ કરી દમન સહિત કાર્યવાહી કરનાર અધિકારીઓ સામે કડક પગલાં લેવા, નિર્દોષ ખેડૂતોને ન્યાય મળે અને પોલીસ દ્વારા પરિવાર સાથે કરાયેલા દમનની તપાસ થાય તેવી માંગ સાથે અવેદનપત્ર પાઠવ્યું હતું. આ કાર્યક્રમ દરમિયાન કિસાન એકતા મંચના આગેવાનોએ જો ખેડૂતોને ન્યાય નહીં મળે તો આગામી દિવસોમાં સમગ્ર ગુજરાતમાં વિશાળ આંદોલન કરવાની ચીમકી ઉચ્ચારી હતી

મૂળી મામલતદાર કચેરી આગળ ભારે પોલીસ બંદોબસ્ત વચ્ચે ખેડૂતો દ્વારા ઉગ્ર રોષ ઠાલવવામાં આવ્યો હતો. કિસાન એકતા મંચના પ્રતિનિધિઓએ સ્પષ્ટ શબ્દોમાં જણાવ્યું હતું કે આ લડત ખેડૂત હક માટેની છે અને ખેડૂતોને ન્યાય નહીં મળે ત્યાં સુધી તેઓની લડત ચાલુ રહેશે તેવી ચીમકી આપવામાં આવી હતી..

કડદાપ્રથા નાબૂદ કરી અને 85 જેટલા ખેડૂતો અને જેલ મુક્ત કરી કહેશો પરત ખેંચવાની માંગ કરવામાં આવી હતી આ ઉપરાંત આ મગફળી ટેકાના ભાવે છે ખરીદી સરકાર કરવાની છે તેની સ્પષ્ટતા કરવાની માંગ પણ સુરેન્દ્રનગર જિલ્લાના ખેડૂતો દ્વારા કરવામાં આવી છે આ મુદ્દે આવેદનપત્ર આપી અને રાજ્યપાલ સુધી આવેદનપત્ર પહોંચાડવાની માંગ કરવામાં આવી છે