ચોટીલામાં કતલખાને લઈ જવાતા 11 પશુઓને ગૌરક્ષકો-પોલીસે બચાવ્યા

Chotila Cattle Rescue | ચોટીલા (Chotila) ખાતે ગૌરક્ષકો અને પોલીસ તંત્રની સંયુક્ત કામગીરીથી કતલખાને લઈ જવાતા 11 અબોલ પશુઓને બચાવી લેવામાં આવ્યા છે.

પ્રાપ્ત વિગતો અનુસાર રાજકોટ-અમદાવાદ હાઈવે (Rajkot-Ahmedabad Highway) પર GJ-27-TG-5043 નંબરની આઈસર ગાડીમાં તાડપત્રી નીચે 9 ભેંસ અને 2 પાડા ક્રૂરતાપૂર્વક લઈ જવાતા હોવાની ચોક્કસ બાતમી મળી હતી.

બાતમીના આધારે ગૌરક્ષકો અને ચોટીલા પોલીસ (Chotila Police) ની ટીમે હોટેલ ઓનેસ્ટ પાસે વાહનને રોકી તપાસ હાથ ધરી હતી. આ સમગ્ર રેસ્ક્યૂ ઓપરેશન (Rescue Operation) માં 112 PCR વાન અને સ્થાનિક પોલીસ સ્ટાફે મહત્વનો સહયોગ આપ્યો હતો.

ગૌરક્ષકોની સતર્કતાથી તમામ 11 પશુઓને સલામત રીતે ચોટીલા મહાજન પાંજરાપોળ (Panjrapole) ખાતે ખસેડવામાં આવ્યા હતા. આ જીવદયાના ઉત્કૃષ્ટ કાર્યમાં હરેશભાઈ ચૌહાણ, ભીખુભાઈ ખાચર અને અનિલભાઈ બોરાણા સહિતના સેવકો જોડાયા હતા.