સુરેન્દ્રનગર જિલ્લામાં માર્ગ સલામતી અને ટ્રાફિક નિયમોના ચુસ્ત પાલન માટે આરટીઓ (RTO) તંત્ર દ્વારા આક્રમક કાર્યવાહી હાથ ધરવામાં આવી છે.
છેલ્લા 11 મહિનાના સમયગાળા દરમિયાન નિયમ વિરુદ્ધ માલસામાન વહન કરતા 1,785 ઓવરલોડ વાહનો ઝડપાયા છે. આ વાહન ચાલકો પાસેથી આરટીઓ વિભાગે કુલ રૂ. 2.41 કરોડથી વધુની માતબર રકમ દંડ પેટે વસૂલી છે, જેના કારણે નિયમ તોડનારા ચાલકોમાં ભારે ફફડાટ વ્યાપી ગયો છે.
આરટીઓ અધિકારી એમ.ડી. પાનસેરીયાના જણાવ્યા અનુસાર, માર્ગોની સુરક્ષા અને અકસ્માતોની સંખ્યા ઘટાડવા માટે આ સઘન ચેકિંગ ઝુંબેશ ચલાવવામાં આવી રહી છે.
પ્રાપ્ત વિગતો મુજબ, જુલાઈ 2025 ના મહિનામાં સૌથી વધુ 205 કેસ નોંધાયા હતા, જેમાં રૂ. 28,30,500 નો દંડ વસૂલવામાં આવ્યો હતો. તંત્ર દ્વારા વાહન ચાલકોને નિર્ધારિત ક્ષમતા કરતા વધુ વજન ન ભરવા અને ટ્રાફિકના નિયમોનું પાલન કરવા કડક સૂચના આપવામાં આવી છે.
| મહિનો | કેસ | દંડ (રૂપિયામાં) |
| એપ્રિલ-25 | 179 | 26,42, 000 |
| મે-25 | 160 | 23,66,000 |
| જૂન-25 | 172 | 25,49,000 |
| જુલાઈ-25 | 205 | 28, 30,500 |
| ઓગસ્ટ-25 | 169 | 25,37,500 |
| સપ્ટે-25 | 170 | 24,44,000 |
| ઓક્ટો-25 | 126 | 18,67,500 |
| નવે-25 | 158 | 24,41,000 |
| ડિસે-25 | 157 | 2,69,000 |
| જાન્યુ-26 | 146 | 21,75,000 |
| ફેબ્રુ-26 | 143 | 20,39,300 |
| કુલ | 1785 | 2,41,60,800 |
