સુરેન્દ્રનગર જિલ્લાના સાયલા, લીંબડી અને ચુડા પંથકમાં GUVNL વિજીલન્સ દ્વારા વીજ ચેકિંગનો મોટો સપાટો બોલાવવામાં આવ્યો છે.
જીયુવીએનએલની 50 જેટલી ટીમોએ વહેલી સવારથી જ આ વિસ્તારોમાં ધામા નાખ્યા હતા અને કુલ 618 ઘર વપરાશના વીજ જોડાણોનું ઝીણવટભર્યું નિરીક્ષણ કર્યું હતું.
આ તપાસ દરમિયાન 113 કનેક્શનમાં વીજ ગેરરીતિ અને ચોરીના કિસ્સાઓ પ્રકાશમાં આવ્યા હતા, જેને પગલે તંત્ર દ્વારા કુલ 44.10 લાખનો દંડ ફટકારવામાં આવ્યો છે. ખાસ કરીને સાયલા શહેરમાં સઘન ચેકિંગ હાથ ધરવામાં આવ્યું હતું, જ્યાં 270 જોડાણોની તપાસ કરતા 45 કિસ્સાઓમાં વીજ ચોરી પકડાઈ હતી. સાયલા પંથકમાંથી જ માત્ર 16 લાખના વીજ બિલ ફટકારવામાં આવ્યા છે.
વન વિભાગ અને વિજીલન્સની આ આકસ્મિક કાર્યવાહીને કારણે વીજચોરી કરતા તત્વોમાં ભારે ફફડાટ વ્યાપી ગયો છે. આગામી દિવસોમાં પણ આ પ્રકારની ડ્રાઇવ ચાલુ રહે તેવા એંધાણ મળી રહ્યા છે.
