સુરેન્દ્રનગર મહાનગરપાલિકા ખાતે મ્યુનિસિપલ કમિશનરની અધ્યક્ષતામાં સંકલન સમિતિની બેઠક મનપાના સભાખંડ ખાતે યોજાઈ હતી. જેમાં વઢવાણના ધારાસભ્યએ શહેરી વિકાસ, સ્વચ્છતા, રોડ-રસ્તાની કામગીરી અને ભૂગર્ભ ગટરની સાફ-સફાઈ સહિતના મહત્વના મૂદ્દાઓ રજૂ કર્યા હતા.
રજૂઆતોના સંદર્ભે મનપા કમિશનરએ સંબંધિત અધિકારીઓને નિયત સમયગાળામાં પ્રશ્નનો ઉકેલ લાવવા માટે તાકીદ કરી હતી. આ ઉપરાંત મહાનગરપાલિકાના સિવિલ, સેનિટેશન, એસ્ટેટ અને ટેક્ષ વિભાગ દ્વારા કરવામાં આવતી વિવિધ કામગીરી અંગે પણ સમીક્ષા કરી હતી. આ તકે બેઠકમાં ઉપસ્થિત તમામ અમલીકરણ અધિકારીઓને સામાન્ય નાગરિકોની રજૂઆતો અને ફરિયાદોનો નિકાલ અગ્રતાના ધોરણે અને તાત્કાલિક કરવા પણ તાકીદ કરી હતી. બેઠકમાં મનપા કમિશનર ડો.નવનાથ ગ્વાહણે, ધારાસભ્ય જગદીશ મકવાણા, ડેપ્યુટી કમિશનર, એન્જિનિયર સહિત વિવિધ વિભાગોના અધિકારીઓ અને કર્મચારીઓ ઉપસ્થિત રહ્યા હતા.
