સુરેન્દ્રનગર: અમદાવાદના (Ahmedabad) શાંતિપુરા વિસ્તારમાં રહેતા જમીન દલાલ (Real Estate Agent) હુસેનઅલી અબ્દુલભાઇ મોમીનને પ્રેમજાળમાં ફસાવી સુરેન્દ્રનગર બોલાવી ₹1 કરોડની ખંડણી (Extortion) પડાવનાર ટોળકીને પોલીસે ઝડપી લીધી છે.
યુવતીએ મીઠી વાતો કરી યુવકને સુરેન્દ્રનગર બોલાવ્યો હતો, જ્યાં એક મકાનમાં લઈ જઈ પરાણે કપડાં ઉતરાવી અન્ય સાગરીતોએ વાંધાજનક વીડિયો (Video) ઉતારી લીધો હતો. ત્યારબાદ યુવકનું અલ્ટો કારમાં (Alto Car) અપહરણ કરી, પિસ્તોલ (Pistol) બતાવી જાનથી મારી નાખવાની ધમકી આપી ₹2 કરોડની માંગણી કરી હતી. ગભરાઈ ગયેલા યુવકે આખરે ₹1 કરોડ રોકડા ચૂકવી દીધા હતા.
સુરેન્દ્રનગર બી ડિવિઝન પોલીસમાં (Police Station) ફરિયાદ નોંધાતા લોકલ ક્રાઈમ બ્રાન્ચે (LCB) તપાસ હાથ ધરી મુખ્ય સૂત્રધાર ભાવના અને તેના સાથીદારો સાહિલ, અરબાઝ અને આસિફની ધરપકડ (Arrest) કરી છે.
પોલીસ તપાસમાં બહાર આવ્યું છે કે મુખ્ય આરોપી ભાવના સોશિયલ મીડિયા (Social Media) પર અલગ-અલગ નામે ચેટ કરી પ્રતિષ્ઠિત વ્યક્તિઓને હનીટ્રેપમાં ફસાવતી હતી. પોલીસે આરોપીઓના મોબાઈલ ફોન (Mobile Phones) જપ્ત કરી રિમાન્ડની (Remand) તજવીજ હાથ ધરી છે. આ ગેંગે અગાઉ પણ અનેક યુવકોને લૂંટયા હોવાની આશંકાએ પોલીસે તપાસ તેજ કરી છે.
About The Author
