MD Drugs | સુરેન્દ્રનગર SOG પોલીસે શહેરના રતનપર વિસ્તારમાં આવેલા સુધારા પ્લોટ પાસેથી સમીર કટિયા નામના યુવકની ધરપકડ કરી છે.
પોલીસ દ્વારા આરોપીની ઝડપી તલાસી લેવામાં આવતા તેની પાસેથી 2.24 ગ્રામ પ્રતિબંધિત એમ.ડી ડ્રગ્સ મળી આવ્યું હતું, જેને પોલીસે તાત્કાલિક જપ્ત કર્યું છે.
પોલીસ પૂછપરછ દરમિયાન ચોંકાવનારો ખુલાસો થયો છે કે આ ડ્રગ્સ બહારના રાજ્યમાંથી સપ્લાય કરવામાં આવતું હતું અને આરોપી સ્થાનિક વિસ્તારમાં તેનું વેચાણ કરતો હતો. આ મા અંગે જોરાવરનગર પોલીસ સ્ટેશનમાં ગુનો દાખલ કરવામાં આવ્યો છે.
સુરેન્દ્રનગરમાં ડ્રગ્સનું દૂષણ વધતું અટકાવવા માટે પોલીસ દ્વારા આકરા પગલાં ભરવામાં આવી રહ્યા છે. ઝડપાયેલા યુવકને કોર્ટમાં રજૂ કરી પોલીસ રિમાન્ડ મેળવવાની તજવીજ હાથ ધરવામાં આવી છે.
આ નેટવર્ક પાછળ અન્ય કોણ સંડોવાયેલું છે તે જાણવા માટે ASP સહિતના ઉચ્ચ અધિકારીઓ દ્વારા સઘન તપાસ શરૂ કરવામાં આવી છે. આગામી સમયમાં વધુ મોટા ખુલાસા થવાની પૂરી શક્યતા છે.
