ધ્રાંગધ્રાના રાજચરાડીમાં ઝાટકા મશીનનો કરંટ લાગતા રોઝડાનું બચ્ચું વિખૂટું પડ્યું

Nilgai Calf Rescue | ધ્રાંગધ્રા (Dhrangadhra) તાલુકાના રાજચરાડી (Rajcharadi) ગામની સીમમાં ખેતરની ફરતે મૂકેલા ઝાટકા મશીન (Shock Machine) ના તારમાંથી ઇલેક્ટ્રિક કરંટ લાગતા રોઝડાનું (Nilgai) એક નાનું બચ્ચું તેની માતાથી વિખૂટું પડી ગયું હતું.

આ ઘટના બાદ અબોલ બચ્ચું ગભરાઈને સીમમાં એકલું અટવાઈ ગયું હતું. સ્થાનિક એડવોકેટ હિતેશ ચાવડા અને જાગૃત ગ્રામજનોની નજર પડતાં તેમણે તુરંત વન વિભાગ (Forest Department) ને જાણ કરી હતી.

વન વિભાગની ટીમે તાત્કાલિક ઘટનાસ્થળે પહોંચીને 1 બચ્ચાને સુરક્ષિત રીતે પોતાના કબજામાં લીધું હતું. પ્રાથમિક સારવાર આપી બચ્ચાને વન વિભાગના રેસ્ક્યૂ સેન્ટર ખાતે સોંપવામાં આવ્યું હતું. સમયસર કામગીરીથી અબોલ વન્યજીવનો જીવ બચી જતાં લોકોએ રાહત અનુભવી છે.