સુરેન્દ્રનગર યુનિવર્સિટીમાં ‘વિશ્વ ફાર્માસિસ્ટ દિવસ’ની ઉજવણી

World Pharmacists Day | સુરેન્દ્રનગર યુનિવર્સિટી ખાતે ‘વિશ્વ ફાર્માસિસ્ટ દિવસ-2026’ ની ઉત્સાહભેર ઉજવણી કરવામાં આવી હતી.

આ વર્ષની વૈશ્વિક થીમ “Empowering Pharmacists for Healthier Futures” હેઠળ વિદ્યાર્થીઓમાં આરોગ્ય જાગૃતિ અને વ્યાવસાયિક જ્ઞાન વધારવા વિવિધ કાર્યક્રમોનું આયોજન કરાયું હતું.

દીપ પ્રાગટ્ય બાદ વક્તાઓએ દવાની સલામતી અને એન્ટિમાઇક્રોબિયલ રેઝિસ્ટન્સ (AMR) જેવા મહત્વના વિષયો પર વિશેષ માર્ગદર્શન પૂરું પાડ્યું હતું.

આ ઉજવણી અંતર્ગત વિદ્યાર્થીઓ માટે પોસ્ટર પ્રેઝન્ટેશન, સ્લોગન રાઇટિંગ, જાગૃતિ રેલી, ક્વિઝ અને નિબંધ સ્પર્ધા જેવી પ્રવૃત્તિઓ યોજાઈ હતી.

યુનિવર્સિટી તંત્ર દ્વારા વિદ્યાર્થીઓને ક્લિનિકલ ફાર્મસી અને નવીન ટેકનોલોજીના ક્ષેત્રે આગળ વધવા પ્રોત્સાહિત કરાયા હતા. કાર્યક્રમના અંતે વિજેતા વિદ્યાર્થીઓને પ્રમાણપત્રો આપી સન્માનિત કરવામાં આવ્યા હતા.