સુરેન્દ્રનગરની મુખ્ય સિવિલ હોસ્પિટલના એલઆર રૂમમાં (LR Room) આવેલા ઇલેક્ટ્રિક પેનલ બોર્ડમાં શોર્ટ સર્કિટના કારણે અચાનક આગ લાગવાની ઘટના બની છે.
આગના કારણે હોસ્પિટલમાં દર્દીઓ અને સગા-સંબંધીઓમાં ભારે અફરાતફરી મચી ગઈ હતી. ઘટનાની જાણ થતાં જ ફાયર બ્રિગેડની (Fire Brigade) ટીમે મીની ફાયર ટેન્ડર સાથે સ્થળ પર પહોંચી પાણીનો મારો ચલાવી આગ પર કાબૂ મેળવ્યો હતો.
તકેદારીના ભાગરૂપે હોસ્પિટલમાંથી 15 થી વધુ દર્દીઓને તાત્કાલિક સલામત રીતે બહાર ખસેડવામાં આવ્યા હતા.
ફાયર ફાઈટરોની સમયસૂચકતાના કારણે 1 મોટી દુર્ઘટના ટળી હતી, જેથી હોસ્પિટલ તંત્ર અને દર્દીઓએ રાહતનો શ્વાસ લીધો હતો. આ ઘટનામાં રૂ. 20000 નું નુકસાન થયું હોવાનો અંદાજ છે.
