સુરેન્દ્રનગર એલીસીબી પોલીસે લીંબડી-રાજકોટ હાઈવે પર વઢવાણ તાલુકાના બલદાણા ગામના પાટિયા પાસે ચોક્કસ બાતમીના આધારે હોટલ પાસેથી આઈશરમાં પશુ આહારની આડમાં સંતાડેલો દારનો જથ્થો ઝડપી પાડયો છે.
એલસીબીએ આઇશરમાંથી ઈંગ્લીશ દારૂની ૭૭૮૧ બોટલ (કિં.રૂ.૮૭.૨૪ લાખ), બિયર ૯૨ ટીન (કિં.રૂ.૨૦,૨૪૦), આઈશર (કિં.રૂ.૧૦ લાખ), મોબાઈલ, પ્લાસ્ટિકના કટ્ટા, તાડપત્રી સહિત રૂ.૯૭.૭૪ લાખના મુદામાલ સાથે આઈશર ચાલક અચલારામ આશુરામ સિયાગ (રહે. રાજસ્થાન)ને ઝડપી લીધો હતો. ચાલકની પૂછપરછ દરમિયાન ઇંગ્લિશ દારૂનો જથ્થો મોકલનાર બાબજી, દારૂ ભરેલ ગાડી આપી જનાર, ટ્રકનો માલિક, દારૂનો જથ્થો મંગાવનાર સહિતના શખ્સોની સંડોવણી બહાર આવી હતી. આથી એલસીબીએ તમામ વિરુદ્ધ વઢવાણ પોલીસ મથકે પ્રોહીબિશન એક્ટ હેઠળ ગુનો નોંધાવી કાર્યવાહી હાથ ધરી છે. એલસીબી પોલીસે મોટા પ્રમાણમાં ઈંગ્લીશ દારૂ ઝડપી પાડતા સ્થાનિક પોલીસની કામગીરી સામે પણ અનેક સવાલો ઉભા થયા છે.
