સુરેન્દ્રનગર (Surendranagar) જિલ્લામાં બેફામ ચાલતી ખનીજ ચોરીને (Mineral Theft) ડામવા માટે ખાણ-ખનીજ વિભાગે (Mining Department) લાલ આંખ કરી છે. છેલ્લા 1 વર્ષના અહેવાલ મુજબ, તંત્ર દ્વારા રેકોર્ડબ્રેક કામગીરી કરવામાં આવી છે.
1009 સ્થળે દરોડા અને મોટી જપ્તી જિલ્લાના 10 તાલુકાઓમાં ખનીજ ખનન, વહન અને સંગ્રહના સ્થળો પર તપાસ હાથ ધરવામાં આવી હતી. આ દરમિયાન કુલ 1,009 દરોડા (Raids) પાડવામાં આવ્યા હતા. આ ઓપરેશનમાં ભૂમાફિયાઓ પાસેથી નીચે મુજબના સાધનો જપ્ત કરાયા છે:
કુલ વાહનો: 922 (જેસીબી, હિટાચી, ટ્રેલર અને ટ્રેક્ટર) મુખ્ય ખનીજ: કાર્બોસેલ, પથ્થર અને સિલિકા (Silica)
ગુજરાતમાં બીજા ક્રમે સુરેન્દ્રનગર ખનીજ ચોરો સામે કડક કાર્યવાહી અને દંડ વસૂલવામાં સુરેન્દ્રનગર જિલ્લો સમગ્ર ગુજરાતમાં (Gujarat) બીજા (2nd) ક્રમે રહ્યો છે. ખાણ-ખનીજ વિભાગ, પોલીસ (Police) અને મહેસૂલ તંત્રના સંયુક્ત ઓપરેશનથી ભૂમાફિયાઓની કમર તૂટી ગઈ છે. તંત્ર દ્વારા કુલ 15.40 કરોડ રૂપિયાના દંડની વસૂલાત કરવામાં આવી છે.
જપ્ત કરાયેલા વાહનો મૂકવાની જગ્યા ખૂટી સતત થતી કાર્યવાહીને કારણે હવે તંત્ર સામે એક નવી મુશ્કેલી ઊભી થઈ છે. જપ્ત કરેલા 922 વાહનો અને ખનીજના જથ્થાને કારણે ઓફિસ (Office) પાસેના ગ્રાઉન્ડ ભરાઈ ગયા છે. વાહનોના થપ્પા લાગી જવાથી હવે નવા પકડાયેલા વાહનો ક્યાં મૂકવા તે પ્રશ્ન સતાવી રહ્યો છે, જેના કારણે નવી જગ્યા ફાળવવાની માંગ ઊઠી છે.
About The Author
