મુળી પોલીસ સ્ટેશન વિસ્તાર હેઠળની સરા-ધ્રાંગધ્રા ચોકડી પાસે એલસીબીની ટીમે બાતમીના આધારે દરોડો પાડી રેતી ભરેલા ડમ્પરની આડમાં છુપાવેલો વિદેશી દારૂનો મોટો જથ્થો ઝડપી પાડયો છે.
પોલીસની પ્રાથમિક તપાસમાં બહાર આવ્યું છે કે, આરોપીઓ રેતી ભરેલા ડમ્પર દ્વારા દારૂની હેરાફેરી કરી રહ્યા હતા અને ત્યારબાદ આ જથ્થો સ્વિફ્ટ કારમાં ઠાલવવામાં આવતો હતો. પોલીસે સ્થળ પરથી નાની-મોટી કુલ ૧૦,૦૬૮ ઇંગ્લિશ દારૂ (૪૦,૪૭,૬૦૦ લાખ)ની બોટલો જપ્ત કરી છે. આ ઉપરાંત, રૂ. ૧૫ લાખનું ડમ્પર, રૂ. ૦૫ લાખની કાર, ૬ મોબાઈલ (૩૫ હજાર) અને રોકડ (૫૦ હજાર )મળી કુલ રૂ. ૬૧,૩૨,૬૦૦ નો મુદ્દામાલ કબજે કરવામાં આવ્યો છે.
એલીસીબીએ (૧) જીગ્નેશગીરી ભરતગીરી ગોસ્વામી (રહે.આગથળા ગામ, જિ.વાવ-થરાદ)(૨) ગણપતપરી કાલપરી ગોસ્વામી (૩) દિનેશગીરી રૂપગીરી ગોસ્વામી તમામ રહે.આગથળા (જી.વાવ થરાદ) અને (૪) એક કિશોરને ઝડપી પાડયા હતા. જયારે કાર માલિક, ડમ્પર માલિક, ઈંગ્લીશ દારૂનો જથ્થો મોકલનાર અને મંગાવનાર સહિતનાઓ હાજર મળી આવ્યા નહોતા. આથી એલસીબી પોલીસે ઝડપાયેલ ૦૪ શખ્સો અને હાજર મળી નહિ આવેલ ૦૪ શખ્સો સહિત ફૂલ ૦૮ શખ્સો સામે મુળી પોલીસ મથકે પ્રોહીબિશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.
