ધ્રાંગધ્રા તાલુકાના મોટી માલવણ જિલ્લા પંચાયત સીટ હેઠળ આવતા વાવડી ગામે આગામી સ્થાનિક સ્વરાજની ચૂંટણીઓના સંદર્ભમાં ભાજપ દ્વારા એક મહત્વપૂર્ણ સંગઠનાત્મક બેઠકનું આયોજન કરવામાં આવ્યું હતું. આ બેઠકનો મુખ્ય ઉદ્દેશ્ય આગામી જિલ્લા અને તાલુકા પંચાયતની ચૂંટણીઓ માટે રણનીતિ ઘડવાનો અને સંગઠનને પાયાના સ્તરેથી મજબૂત કરવાનો હતો. બેઠક દરમિયાન સરકારની લોકકલ્યાણકારી યોજનાઓને છેવાડાના 1 વ્યક્તિ સુધી પહોંચાડવા અને ગ્રામજનોના પ્રશ્નોના નિરાકરણ લાવવા અંગે વિસ્તૃત ચર્ચા કરવામાં આવી હતી.
આ બેઠકમાં જિલ્લા ભાજપ પ્રમુખ હાર્દિકભાઈ ટમાલીયા અને ધ્રાંગધ્રાના ધારાસભ્ય પ્રકાશભાઈ વરમોરા સહિતના દિગ્ગજ નેતાઓ ઉપસ્થિત રહ્યા હતા.
કાર્યકર્તાઓને માર્ગદર્શન આપતા નેતાઓએ જણાવ્યું હતું કે ચૂંટણીલક્ષી પ્રવૃત્તિઓને વેગ આપી જનસંપર્ક વધારવો અનિવાર્ય છે. આ પ્રસંગે નરેશભાઈ પટેલ, રાજભા ઝાલા અને રીતુલભાઇ પટેલ જેવા હોદ્દેદારોએ પણ હાજરી આપી હતી. મોટી સંખ્યામાં કાર્યકર્તાઓની ઉપસ્થિતિએ આગામી ચૂંટણી માટે ભાજપનો આશાવાદ અને મજબૂત પકડ દર્શાવી છે. ઉપસ્થિત મહાનુભાવો: આ બેઠકમાં ભાજપના દિગ્ગજ નેતાઓએ હાજરી આપી કાર્યકર્તાઓનો ઉત્સાહ વધાર્યો હતો, જેમાં મુખ્યત્વે:
- હાર્દિકભાઈ ટમાલીયા – જિલ્લા ભાજપ પ્રમુખ
- પ્રકાશભાઈ વરમોરા – ધારાસભ્ય, ધ્રાંગધ્રા વિધાનસભા
- નરેશભાઈ પટેલ – જિલ્લા ભાજપ મહામંત્રી
- રાજભા ઝાલા – જિલ્લા ભાજપ ઉપપ્રમુખ
- રીતુલભાઇ પટેલ – અધ્યક્ષ, ધ્રાંગધ્રા તાલુકા મંડળ
- નનુભાઈ રાઠોડ – પ્રભારી
- રાજુભાઈ પટેલ – પ્રમુખ, તાલુકા પંચાયત
