સુરેન્દ્રનગર જિલ્લામાં સતત ખનીજ ચોરી ચાલી રહી છે પરંતુ ચોટીલાના પ્રાંત અધિકારી ખનીજ ચોરી ઉપર દરોડા પાડી રહ્યા છે ત્યારે સુરેન્દ્રનગર જિલ્લાના ચોટીલાના મોટી મોલડી ગામે સરકારી ખરાબામાં ચાલતી ખનીજ ચોરી ઉપર દરોડા પાડી અને અંદાજિત એક કરોડ રૂપિયાનો મુદ્દા માલ ચોટીલા પ્રાંત અધિકારી એચ ટી મકવાણા દ્વારા જપ્ત કરવામાં આવ્યો છે.
નાયબ કલેકટર ચોટીલા એચ.ટી.મકવાણા અને તેમની ટીમ દ્વારા ચોટીલા તાલુકાના મોટી મોલડી ગામના સરકારી સર્વે નંબર ૨૮૨ વાળી જમીનમાં આકસ્મિક રેડ પાડતા સદર જમીનમાં ગેરકાયદેસર રીતે તાસ ખનિજનું ખોદકામ કરતા નીચે મુજબના કુલ ૨ (બે) જેસીબી અને ૪ (ચાર) ટ્રેકટર (ટ્રોલી સાથે) ના જપ્ત કરવામાં આવ્યા.
જપ્ત કરેલ મુદ્દામાલની વિગત : (૧) ૨ જેસીબી (૨) ૪ ટ્રેકટર
એમ મળી કુલ રૂ.૧,૦૦,૧૦,૦૦૦/- ( અંકે રૂપિયા એક કરોડ દસ હજાર પુરા) નો મુદ્દામાલ જપ્ત કરી મામલતદાર કચેરી ચોટીલા ખાતે ખસેવામાં આવ્યો.
આ ગેરકાયદેસર ખનિજ ખોદકામની પ્રવૃત્તિ મોહનભાઇ ટી. ડાભી, માજી. જિલ્લા પંચાયત સદસ્ય, હાલ રહે. અમદાવાદ તથા તેમના પુત્ર સંજયભાઇ મોહનભાઇ ડાભી હાલ રહે. અમદાવાદ વાળા દ્વારા કરવામાં આવતુ હોવાનું ઘ્યાને આવેલ છે, જેઓની સામે “The Gujarat Mineral (Prevention of Illegal Mining, Transportation and Storage Rules, 2017 ના નિયમ ૨૧(૩) મુજબ વસુલાત કરવા અંગેની નિયમોનુસાર કાર્યવાહી હાથ ઘરવામાં આવી.
ટ્રેકટરના માલીક : (૧) ગોપાલભાઇ સોમાભાઇ ડાભી રહે મોટી મોલડી (૨) અમરશીભાઇ નાનજીભાઇ કુમારખાણીયા રહે. સુર્ય રામ૫રા (૩) નાથાભાઇ બિજલભાઇ મકવાણા રહે. રાજ૫રા (૪) સોમાભાઇ રામજીભાઇ ડાભી રહે. મોટી મોલડી
જેસીબી ના માલીક : (૧) ગોપાલ સોમાભાઇ ડાભી રહે. મોટી મોલડી (૨) વિકાસભાઇ હમીરભાઇ કુમારખાણીયા રહે. સુર્ય રામ૫રા
તમામ સામે ગુનો દાખલ કરી અને વધુ તપાસ ચોટીલા પ્રાંત અધિકારી દ્વારા શરૂ કરવામાં આવી છે સુરેન્દ્રનગર જિલ્લામાં ગેરકાયદેસર ખનીજ ચોરી અટકાવવા માટે સતત દરોડાની કામગીરી શરૂ કરવામાં આવી રહી છે ખનીજ ચોરી હોય માટી ચોરી હોય અથવા રેતી ચોરી ઉપર દરોડા પાડી અને ખનીજ ચોરો ઉપર કાર્યવાહી શરૂ કરવામાં આવી છે ત્યારે વધુ એક ચોટીલાના મોટી મોલડી ગામે ખનીજ ચોરો પર દરોડા પાડી અને કાર્યવાહી શરૂ કરવામાં આવતા ફફડાટ ફેલાયો છે
