Naresh Kella Birthday | વઢવાણના પૂર્વ ધારાસભ્ય ધનરાજભાઈ કેલા (Dhanrajbhai Kella)ના પુત્ર નરેશભાઈ કેલા આજે 43 વર્ષ પૂર્ણ કરી 44માં વર્ષમાં પ્રવેશ (Birthday) કરી રહ્યા છે. નરેશભાઈ બાળપણથી જ રાષ્ટ્રીય સ્વયંસેવક સંઘના (RSS) સંસ્કારોથી સિંચિત છે. તેઓ અનેક સામાજિક અને સરકારી જવાબદારીઓ નિભાવી રહ્યા છે.
હાલ તેઓ કેન્દ્ર સરકારની મહારત્ન કંપની પાવર ફાઈનાન્સ કોર્પોરેશન (PFC) ના ડિરેક્ટર તરીકે સેવા આપી રહ્યા છે. આ ઉપરાંત ગુજરાત સરકારની ફી રિવિઝન કમિટીમાં (Fee Revision Committee) પણ સભ્ય તરીકે કાર્યરત છે. ઝાલાવાડ ફેડરેશન ઓફ ટ્રેડ એન્ડ ઇન્ડસ્ટ્રીઝના પ્રમુખ તરીકે તેઓ ઉદ્યોગ જગતનું (Industry) નેતૃત્વ કરે છે.
રાજકોટ નાગરિક સહકારી બેંકમાં (Co-operative Bank) કન્વીનર તરીકે તેઓ નાના વર્ગના આર્થિક ઉત્કર્ષ માટે સતત કાર્યશીલ છે. ઉદ્યોગ ક્ષેત્રે ‘ધનરાજ સુગર્સ’ને (Dhanraj Sugars) વિશ્વના 50 થી વધુ દેશોમાં પહોંચાડી તેમણે નામના મેળવી છે. સંયુક્ત પરિવારમાં માનતા નરેશભાઈ સફળતાનો શ્રેય વડીલોના આશીર્વાદને આપે છે.
ગૌસેવા અને માનવ સેવામાં કાર્યરત નરેશભાઈ એક ઉમદા કવિ (Poet) અને સ્વાદિષ્ટ ભોજનના પણ શોખીન છે. આજે તેમના જન્મદિવસ નિમિત્તે મિત્રો અને શુભેચ્છકો દ્વારા શુભેચ્છાઓનો (Wishes) અવિરત પ્રવાહ વહી રહ્યો છે.
