સુરેન્દ્રનગર બી-ડિવિઝન પોલીસે કુંભારપરા વિસ્તારમાં દારૂના ગેરકાયદેસર વેચાણ પર લાલ આંખ કરી છે. રિવરફ્રન્ટ રોડ પાસે આવેલી શેરી નંબર 3 માં એક પતરાવાળા મકાનમાં દરોડો પાડી પોલીસે 192 બોટલ ઈંગ્લીશ દારૂ ઝડપી પાડ્યો છે.
આ કામગીરીમાં પોલીસે કુલ 48 મોટી બોટલો અને 144 નાની બોટલો સહિત 3 મોબાઈલ ફોન મળી કુલ 92,400 રૂપિયાનો મુદ્દામાલ કબજે કર્યો છે. સ્થળ પરથી ગોપાલભાઈ ઉર્ફે ગોપી ચોવસીયા નામના શખ્સની ધરપકડ કરવામાં આવી છે. પૂછપરછ દરમિયાન જાણવા મળ્યું હતું કે આ જથ્થો લખતરના વિકીભાઈ અને સુરેન્દ્રનગરના અક્ષય ઉર્ફે હીરૂએ પૂરો પાડ્યો હતો. પોલીસે હાલમાં ઝડપાયેલા શખ્સ સહિત કુલ 3 આરોપીઓ વિરુદ્ધ પ્રોહિબિશન એક્ટ હેઠળ ગુનો નોંધી વધુ તપાસ હાથ ધરી છે.
