કપાસ મગફળી જરૂ વરિયાળીની પરંપરાગતગત ખેતી છોડી યુવકે દાડમનું 16 વીઘા જમીન પર કર્યું સફળ વાવેતર..
વઢવાણ ગામની સીમમાં કે જ્યાં બાગાયત પાકનું વાવેતર ખૂબ કઠિન છે તેવી જમીન પર દાડમનું સફળ વાવેતર કર્યું..
યુવક દાડમ બેગ્લોર પંજાબ સહિતના રાજ્યમાં કરે છે નિકાસ..
ચાલુ વર્ષે માવઠાનો માર છતાં પણ 45 લાખના દાડમની ઉપજ મેળવામાં આવી..
સુરેન્દ્રનગરના વઢવાણના બાકરથડી ગામના ખેડૂત દ્વારા પરંપરાગત ખેતી છોડી અને બાગાયત ખેતી તરફ હાથ અજમાવવામાં આવ્યો છે સુરેન્દ્રનગરના વઢવાણ તાલુકાના બાકરથળી ગામે વસવાટ કરતા રાજુભાઈ રોજાસરા પોતે આર્મીમેન તરીકે ફરજ બજાવતા હતા પરંતુ ત્યારબાદ નિવૃત્ત થયા પછી તેમને રેલ્વે વિભાગમાં નોકરી લાગી હતી પરંતુ તે નોકરીમાં બે મહિના જેટલો સમય વિતાવ્યા બાદ તેમના દ્વારા નોકરીમાંથી રાજીનામું આપી દેવામાં આવ્યું હતું અને પોતાના ગામમાં આવેલી જમીન ઉપર ખેતી કરવાનું વિચારવામાં આવ્યું હતું.
રાજુભાઈ રોજાસરા દ્વારા પ્રથમ તબક્કામાં નાસિક થી દાડમના રોપા લાવી અને ત્યારબાદ પોતાની જમીન ઉપર દાડમના રોપાનું વાવેતર કરવામાં આવ્યું હતું અને કપાસ મગફળી જીરું વરિયાળી ઇસબગુલ શાકભાજી સહિતની પરંપરાગત ખેતી છોડી અને ત્યારબાદ રાજુભાઈ રોજાસરા દ્વારા બાગાયત ખેતી તરફ પ્રથમ વખત હાથ અજમાવવામાં આવ્યો હતો વઢવાણ તાલુકામાં બાગાયત પાક ઘણો ઓછો થાય છે અને બાગાયત ખેતી કરવી વઢવાણ તાલુકાની જમીન ઉપર કપરી પરિસ્થિતિ છે.
તે છતાં પણ રાજુભાઈ રોજાસરા નામના ખેડૂત દ્વારા હાથ અજમાવી અને સતત પાંચ વર્ષ સુધી મહેનત કર્યા બાદ દાડમના પાકનું ઉત્પાદન શરૂ કરવામાં આવ્યું છે અને સફળતા મેળવવામાં આવી છે દાડમના પાકમાં વાવેતર પછી ત્રીજા વર્ષે ફાળ આવે છે ત્યારે રાજુભાઈ પ્રથમ વર્ષે 11 લાખ રૂપિયાના દાડમ વેચ્યા હતા ત્યારબાદ 17 લાખ રૂપિયાના દાડમની આવક કરી હતી અને ચાલુ વર્ષે માવઠા અને માર વચ્ચે પણ અંદાજિત 45 લાખ રૂપિયા ના દાડમની ઉપજ આવે તેવી શક્યતાઓ વ્યક્ત કરવામાં આવી છે.
સરકારી નોકરી છોડી અને ખેતી બચાવો માટે રાજુભાઈ મહેનતે લાગ્યા હતા અને તેમને સફળતા પણ મળી છે ત્યારે તેમના બાગાયત પાકમાં દાડમનું વાવેતર કરવામાં આવ્યું છે ત્યારે ગુજરાત ભરના ખેડૂતો તેમના દાડમની ખેતી જોવા માટે તેમના નાના એવા ગામમાં આવે છે અને તેમની પદ્ધતિ જોઈ અને પ્રેરણા મેળવી અને નાસિકથી રોપા લાવી અને ત્યારબાદ અન્ય જિલ્લાઓમાં પણ દાડમની બાગાયત ખેતી શરૂ કરવામાં આવી છે ત્યારે આજે સરકારી નોકરી છોડી અને લાખો રૂપિયાની કમાણી ખેતી માંથી સુરેન્દ્રનગર જિલ્લાનો યુવક કરી રહ્યો છે..
